عمر الصنوي
,.
عدد الرسائل : 28
تاريخ التسجيل : 17/02/2008
 | موضوع: أجهزة الجراحة 2  الإثنين مايو 19, 2008 11:06 am | |
| [size=21]الجهاز بيتألف من الأقسام التالية اللي رح تشوفوها بالصورة :
زر التشغيل ( أهم شي ) , مقبس قلم التخثير و القطع ثنائي القطب , مقبسين للقلم أحادي القطب , و مقبس وصل الصفيحة اللي بتنلزق عالمريض , و فوق في عنا من اليسار :
لوحة اعدادات القطع و التخثير ثنائي القطب , لوحة رقمية متال مانكون شايفين , فيها ارقام تدل على مستوى الطاقة اللي اخترناه , يعني الطاقة المقدمة من قبل الجهاز للنسيج ( مقدرة بالواط ) و جنب الشاشة في زرين مشان نرفع و نخفض اعدادات الطاقة .
تحت الشاشة في 3 زرار , هي الزرار مشان نحدد استخدام الجهاز عند السماكات النسيجية التالية :
لدقيق Precise الخاص بالنسج الرقيقة.
المتوسط Standard الخاص بالنسج المتوسطة.
المرتفع Macro الخاص بالنسج عالية الثخانة.
أما شاشة القطع و التخثير أحادي القطب ,فالأزرار اللي تحتها بتدل على هالشغلات:
القطع بالطاقة المنخفضة Low Cut و بنستخدمو بحالات قطع النسج الرخوة وفي العمليات التنظيرية.
القطع الصافي (النظيف) Pure Cut و بنستخدمو للقطع الدقيق والصافي لأي نسيج.
القطع مع التخثير (نمط الدمج) Blend و بنستخدمو بالحالات التي يخشى فيها من النزيف الشديد.
التخثير العميق Desiccate :عن الطريق المباشرالملامس مع النسيج.
التخثير بدون تماس مباشر Fulguration :عن طريق إطلاق شرارة كهربائية دقيقة.
التخثير عن طريق الرذاذ Spray وبتم عن طريق إطلاق شرارة كهربائية واسعة المساحة.
و في عنا كمان زر بنلاقيه بأقصى اليسار , هو زر الذاكرة , مشان اذا كبسناه , فالجهاز بيرجع بياخد الاعدادات اللي كان شغال عليها آخر مرة ( مشان الجراحين اللي عم يشتغلو العملية نفسها كل مرة )
طبعا كل حالة , او كل اعداد طاقة ,شو بيختلف عن غيرو ؟ بيختلف بشكل اشارة الخرج متل ما سبق و حكيت و برجع بذكر انو الجهاز بطلع اشارة خرج ذات تردد راديوي ( RF :Radio frequency ) .
طبعا بأقصى اليمين , في عنا ضوء تبع الـ REM (RETURN ELECTRODE MONITORING) , هادا مشان صفيحة المريض .
اذا ما كانت موصولة منيح بالجهاز , أو ما ما كانت لازقة عالمريض منيح ( أكيد قريتو بالملف المرفق شو لازم يكون شرط الجيل اللاصق الموجود على الصفيحة ) دغري الضو هاد بضوي بلون أحمر و بيعطي صوت انذار .
شو في كمان ؟
الجهاز من ورا فيو 3 مقابس لدعسات القدم ,مقبس لدعستين للقطع و التخثير رقم 1 ,مقبس لدعستين للقطع و التخثير رقم 2 , و دعسة للقطع و التخثير ثنائي القطب, يعني فيني شغل القطع و التخثير من دون ما اكبس عالزر الموجود عقلم التخثير ( خيار كتير جراحين بفضلوه ).
و فيو كمان مقبس RS232 مشان وصلو بالكومبيوتر و هلأ بعدين بنحكي و ليش و كيف , و فيو كمان زر لحتى نعليه الصوت و نوطيه ....... صوت شو ؟ قال هادا الصوت بيطلع وقت القطع و التخثير . يعني لما الجراح يكبس عالقلم على زر القطع ( أو على دعسة القدم ) بيطلع صوت من الجهاز , فبنعرف انو عملية القطع جارية الآن , و بنفس الوقت بتضوي شاشة القطع الموجودة باللوحة الأمامية للجهاز باللون الأزرق , و نفس القصة للتخثير بس باللون أورانج ( مدري بالعكس ؟ )!
طبعا بتبلغ شدة صوت الإنذار لكل من حالتي القطع والتخثير 65 dB غير قابلة للتعديل بتردد قدره 660 Hz وبدور يبلغ 250 to 500 ms، أما الشدة الصوتية للجهاز فهي قابلة للتعديل ضمن المجال 45 to ?65 dB بتردد يختلف بحسب النمط المستخدم .
طبعا لسا الجهاز الو كتير كتير ميزات بتميزو عن كتير أجهزة غيرو ..... يعني مثلا ,فيو خاصية instant response technology .
هي التقنية بتخلي الجهاز يقوم بما ليلي :مراقبة التغيرات في قيمة الممانعة للنسيج (وبمعدل 200 مرة في الثانية) أثناء تقديم الطاقة , يعني لما الجراح بيضغط عالقطع أو التثخير بصير في مراقبة لممانعة النسيج اللي هو عم يشتغل عليه , طيب شو بتفيدنا هالتقنية ؟ قال هي بتتحكم بكل من قيمة التيار والجهد للمحافظة على الطاقة المحددة وأيضاً التحكم بتيار التسريب مما يؤمن الحماية المثلى من حدوث الحروق للنسيج (حيث يقل الانتشار الحراري ضمن الأنسجة إلى 0.14 مم , لأنو متل ما بتعرفو نحن هون عم نحرق , فاذا الحرارة المنتشرة على النسيج اللي عم اشتغل عليه انتشرت بحيث آذتلي النسيج اللي جنبو , هي مشكلة كتير كبيرة , مشان هيك أنا بحاجة لتقنية تخففلي من الانتشار الحراري) بالإضافة إلى التخفيف من قوة الجر لقبضة المشرط الكهربائي Drag Force المطلوبة أثناء العمل الجراحي .
الجهاز فيو ميزات كتير حلوة , مثلا انو هو لما بنشغلو ,قبل ما يصير جاهز للعمل في عندو ثمان ثواني بيفحص فيها حالو , بيفحص فيها داراتو كلها , مشان اذا كان في عطل بأي دارة بخبرنا فورا .
كيف بخبرنا الجهاز عن العطل الموجود فيه ؟
هالجهاز هاد فيو ميزة أنا كتير حبيتها , و كل واحد حابب يشتغل بالصيانة رح يحبها .
error code.
لما الجهاز بصير فيو أي مشكلة ,فورا ببطل الجهاز يشتغل و بصير بيطلع عالشاشة رقم الخطأ ,رقم معين , هالرقم بدلنا على العطل الموجود بالجهاز . يعني مثلا فرضا الرقم 113 ( فرضا يعني ) بدلنا ( فرضا ) على فيوز مضروب ...... و هكذا ( سلامة للمريض من جهة , و تسهيل على مهندسي الصيانة بشغلهن من جهة تانية ) . و كل أرقام الأعطال موجود بالـ service manual تيع الجهاز .
خلينا هلأ نتعرف على دارات الجهاز و مكوناتو .......
المخططالصندوقي للجهاز :
تم تقليل : 68% من الحجم الأصلي للصورة[ 743 x 937 ] - إضغط هنا لعرض الصورة بحجمها الأصلي
إن الله مع الذين اتقوا و الذين هم محسنون
[/size] | |
|
